ARIEL
Tuesday, 21 May 2013
Meet My Neighbor Dem
I don dey yarn you about my yard people small small but e no go as I never show una who dem be. But make we talk better, you see this my yard people na correct neighbor. Dem no dey dull dem sef at all. Make I no talk too much. No tanda just dey look but make you sharp sharp press the link make you see who we be. Na me ya persona person, Osime Igbinoba, a.k.a. Mama Bomboy... http://youtu.be/EW1fxPtfmHE
Thursday, 9 May 2013
Eboo! Na Me Be Dis?
Una Don Hear?
My people, something happen for we yard now. I no know wetin my landlord, Baba Ijebu see wey make am say e no wan see Iya Bose where trouser again. She na fine woman and na tailor...oh sorry, Fashion designer. Na wah for dis my Landlord sef. Old Soja!
How Una Dey
My name na Osime, dem dey call me Mama Bomboy because me with my husband don born 3 pikn and na so so boys dem be. [No be say I dey complain sha o!]
I be correct cook o. I fit cook any African dish and even cook some of dem oyinbo food sef. [so far say I see dem do am for my face] Anyways people, I sabi cook wella!
We get plenty people for we yard. My landlord na Baba Ijebu. E dey claim say him be Old Soja but even hin elder broda no know the war wey hin don fight. Abeg make I drink small water before I continue...Ehn ehn! hin first wife na Iya Elero and Iya Bose na the second wife. She be tailor but she say make we dey call am Fashion Designer.
Oga Nnamdi get spare part shop for Ladipo and hin wife na Nne. she dey sell orishirishi for nearby market. Pastor Jake dey like to dey yan big big grammar. Taiwo na welder and hin too like small small girls too much. I no know how hin wan safe money for future wen he don use am carry girls finish. Yeye Woman Wrapper!
Aboki...sorry Mallam Yahya na the security guard for we yard. Hin also get Kiosk wey hin dey take sell provision. He get somebody wey dey our yard. That one, No one know wetin she be. Wether na student o or she dey work. I beg make I shut up before una think say I be Amebo!
As for me sha. I thank God for my husband. Hin like me well well and he dey try because he dey hardworking well well. E no be woman wrapper. He dey drive big man for V.I and he still dey try go school to better our future. We dey survive sha.
Too much tori no good. He dey turn pesin to liar and people go think say u be Aproko. Plenty things dey happen for we yard and our lives. If una wan know, abeg make me your friend and join me everyday ontop AIT Network and V Channel. Wetin your eyes go see, your mouth must to talk am.
Na me your personal person; Osime a.k.a Mama Bomboy!
I be correct cook o. I fit cook any African dish and even cook some of dem oyinbo food sef. [so far say I see dem do am for my face] Anyways people, I sabi cook wella!
We get plenty people for we yard. My landlord na Baba Ijebu. E dey claim say him be Old Soja but even hin elder broda no know the war wey hin don fight. Abeg make I drink small water before I continue...Ehn ehn! hin first wife na Iya Elero and Iya Bose na the second wife. She be tailor but she say make we dey call am Fashion Designer.
Oga Nnamdi get spare part shop for Ladipo and hin wife na Nne. she dey sell orishirishi for nearby market. Pastor Jake dey like to dey yan big big grammar. Taiwo na welder and hin too like small small girls too much. I no know how hin wan safe money for future wen he don use am carry girls finish. Yeye Woman Wrapper!
Aboki...sorry Mallam Yahya na the security guard for we yard. Hin also get Kiosk wey hin dey take sell provision. He get somebody wey dey our yard. That one, No one know wetin she be. Wether na student o or she dey work. I beg make I shut up before una think say I be Amebo!
As for me sha. I thank God for my husband. Hin like me well well and he dey try because he dey hardworking well well. E no be woman wrapper. He dey drive big man for V.I and he still dey try go school to better our future. We dey survive sha.
Too much tori no good. He dey turn pesin to liar and people go think say u be Aproko. Plenty things dey happen for we yard and our lives. If una wan know, abeg make me your friend and join me everyday ontop AIT Network and V Channel. Wetin your eyes go see, your mouth must to talk am.
Na me your personal person; Osime a.k.a Mama Bomboy!
Subscribe to:
Posts (Atom)